പത്തനംതിട്ട: പത്തനംതിട്ട പോക്സോ കേസില് 62 പേരുടെ പേര് വിവരങ്ങള് പെണ്കുട്ടി പറഞ്ഞു എന്ന് സി ഡബ്ല്യുസി ചെയര്മാന് അഡ്വ.രാജീവ്. സന്നദ്ധ സംഘടനയോട് തനിക്ക് പലതും തുറന്നു പറയാനുണ്ടെന്ന് പെണ്കുട്ടി തന്നെയാണ് അറിയിച്ചത്.
വീടുമായി അടുപ്പമുള്ള ആളുകളാണ് ആദ്യം പീഡിപ്പിച്ചത്. അച്ഛന്റെ മൊബൈല് ഫോണ് വഴിയാണ് പെണ്കുട്ടി ആളുകളെ ബന്ധപ്പെട്ടിരുന്നത്. കായികതാരമായ പെണ്കുട്ടി പരിശീലകരാലും പീഡിപ്പിക്കപ്പെട്ടു. ഫോണ് നമ്പര് കേന്ദ്രീകരിച്ച് നടത്തിയ അന്വേഷണമാണ് അഞ്ചുപേരുടെ അറസ്റ്റിലേക്ക് എത്തിയത്. 42 പേരുടെ ഫോണ് നമ്പറുകള് പെണ്കുട്ടി അച്ഛന്റെ ഫോണില് സേവ് ചെയ്തിരുന്നു.
കേസില് എട്ട് പേരെക്കൂടി പൊലീസ് കസ്റ്റഡിയിലെടുത്തിട്ടുണ്ട്. കസ്റ്റഡിയില് എടുത്തവരെ വിശദമായി ചോദ്യം ചെയ്യും. പെണ്കുട്ടിയുടെ മൊഴി പൊലീസ് രേഖപ്പെടുത്തും. അഞ്ച് പേരെ നേരത്തെ അറസ്റ്റ് ചെയ്തിരുന്നു.
