കോഴിക്കോട്: കണ്ടംകുളങ്ങരയില്‍ വന്‍ ലഹരി മരുന്ന് വേട്ട. 79.74ഗ്രാം എംഡിഎംഎയുമായി മൂന്ന് പേര്‍ എലത്തൂര്‍ പോലീസിന്റെ പിടിയിലായി. കോഴിക്കോട് സ്വദേശികളായ മിഥുന്‍രാജ്, നിജില്‍, രാഹുല്‍ എന്നിവരാണ് പിടിയിലായത്. കണ്ടം കുളങ്ങരയിലെ ഹോംസ്റ്റേയില്‍ വെച്ചാണ് ഇവര്‍ പിടിയിലായത്.
അതേസമയം, ഇന്നലെ മലപ്പുറത്തും വന്‍ എംഡിഎംഎ വേട്ട നടന്നിരുന്നു. കരിപ്പൂരിലെ വീട്ടില്‍ നിന്ന് ഒന്നര കിലോ എംഡിഎംഎ പൊലീസ് പിടികൂടി. കരിപ്പൂര്‍ മുക്കൂട് മുള്ളന്‍ മടക്കല്‍ ആഷിഖിന്റെ വീട്ടില്‍ നിന്നാണ് പിടികൂടിയത്. പ്രതി മറ്റൊരു കേസില്‍ നിലവില്‍ റിമാന്‍ഡിലാണ്. 1665 ഗ്രാം എംഡിഎംഎയാണ് ഡാന്‍സാഫ് സ്‌ക്വാഡും കരിപ്പൂര്‍ പോലീസും ചേര്‍ന്ന് പിടിച്ചെടുത്തത്. ഇയാള്‍ക്ക് ഒമാനില്‍ നിന്നു കഴിഞ്ഞ ദിവസം ഒരു കാര്‍ഗോ പാര്‍സല്‍ വന്നിട്ടുണ്ടെന്ന് ജില്ലാ പോലീസ് മേധാവിക്ക് രഹസ്യവിവരം ലഭിച്ചിരുന്നു.
