ഖത്തറിൽ നടക്കുന്ന ഫുട്ബോള് ലോകകപ്പിനുള്ള 26 അംഗ അര്ജന്റീന ടീമിനെ പ്രഖ്യാപിച്ചു.. ഇറ്റാലിയൻ ക്ലബ് എഎസ് റോമയുടെ താരമായ ഡിബാലയും യുവന്റസിന്റെ താരമായ ഏയ്ഞ്ചൽ ഡി മരിയയും കോച്ച് ലയണൽ സ്കലോനി ഇൻസ്റ്റഗ്രാം വിഡിയോയിലൂടെ പ്രഖ്യാപിച്ച 20 അംഗ ടീമിലുണ്ട്.പരിക്കേറ്റ മധ്യനിരതാരം ജിയോവാനി ലോസെൽസോ ടീമിലില്ല.അര്ജന്റീനയെ കോപ്പ അമേരിക്ക, ഫൈനലിസ കിരിടങ്ങളിലേക്ക് നയിച്ച സ്കലോനിസത്തിന്റെ നെടുംതൂണുകളിലൊരാളായിരുന്നു ജിയോവാനി ലോസെൽസോ. ലോകകപ്പ് യോഗ്യതാ മത്സരങ്ങളിൽ അര്ജന്റീനയ്ക്കായി ഏറ്റവും കൂടുതൽ അസിസ്റ്റുകൾ നൽകിയ താരം കൂടിയായിരുന്നു ലോസെല്സോ.മുന്നേറ്റ നിരയില് ക്യാപ്റ്റന് ലിയോണല് മെസിക്കൊപ്പം, എയ്ഞ്ചല് ഡി മരിയ, ലൗട്ടാരോ മാര്ട്ടിനെസ്, പൗളോ ഡിബാല, ജൂലിയന് അല്വാരസ്, ജ്വാക്വിം കൊറേയ, നിക്കോളാസ് ഗോണ്സാലെസ് എന്നിവരാണുള്ളത്.
പ്രതിരോധ നിരയില് നഹ്വെല് മൊളീന്യ, ഗോണ്സാലോ മോണ്ടിയെല്, ക്രിസ്റ്റിയന് റൊമേറോ, ജെര്മന് പെസെല്ല, നിക്കോളാസ് ഒട്ടമെന്ഡി, ലിസാന്ഡ്രോ മാര്ട്ടിനെസ്, മാര്ക്കോസ് അക്യൂന, നിക്കോളാസ് ടാഗ്ലിയാഫിക്കോ, യുവാന് ഫൊയ്ത്ത് എന്നിവരാണുള്ളത്.
മധ്യനിരയില് പരിചയസമ്പന്നനായ റോഡ്രിഗോ ഡി പോള്, ലിയാന്ഡ്രോ പരെഡെസ്, അലെക്സിസ് മാക് അലിസ്റ്റര്, ഗൈഡോ റോഡ്രിഗസ്, അലക്സാണ്ട്രോ ഗോമസ്, എന്സോ ഫെര്ണാണ്ടസ്, എക്സെക്വെല് പലാസിയോസ് എന്നിവരാണുള്ളത്. ഗോള്കീപ്പര്മാരായി എമിലിയാനോ മാര്ട്ടിനെസ്, ജെറോനിമോ റൂലി, ഫ്രാങ്കോ അര്മാനി എന്നിവര് ടീമിലിടം നേടി.നവംബര് 22 ന് നടക്കുന്ന ആദ്യ മത്സരത്തില് അര്ജന്റീന സൗദി അറേബ്യയെ നേരിടും. രണ്ട് തവണ ലോകകപ്പ് കിരീടം ചൂടിയ അര്ജന്റീന 1930,1990,2014 വര്ഷങ്ങളില് ഫൈനലിലെത്തിയിരുന്നു.
