ആറ്റിങ്ങലില് പിങ്ക് പൊലീസ് അപമാനിച്ച പെണ്കുട്ടിക്ക് നഷ്ടപരിഹാരം നല്കാന് സര്ക്കാര് ഉത്തരവ്. ഒന്നര ലക്ഷം രൂപ പൊലീസ് ഉദ്യോഗസ്ഥ രജിതയില് നിന്ന് ഈടാക്കണമെന്ന് ആഭ്യന്തര വകുപ്പ് ഉത്തരവ്. പെണ്കുട്ടിയുടെ അച്ഛന് ജയചന്ദ്രന് ഹൈക്കോടതിയില് നല്കിയ അപ്പീലിലാണ് നഷ്ടപരിഹാരം നല്കാന് ഉത്തരവായത്.കോടതിച്ചെലവായ 25,000 വും രജിതയില് നിന്ന് ഈടാക്കും.ആകെ 1.75 ലക്ഷം രൂപ നൽകിയുള്ള ഉത്തരവ് ആഭ്യന്തര വകുപ്പാണ് പുറപ്പെടുവിച്ചത്. കോടതി ഉത്തരവനുസരിച്ചാണ് സർക്കാരിന്റെ തീരുമാനം. ജയചന്ദ്രന്റെ അപ്പീലിനെ തുടര്ന്ന് സര്ക്കാര് ഒന്നര ലക്ഷം രൂപ നല്കണമെന്ന് കോടതി ഉത്തരവിട്ടിരുന്നു. ഇതിനെതിരെ സര്ക്കാര് അപ്പീലിന് പോയെങ്കിലും കോടതി ഇത് അംഗീകരിച്ചില്ല. ഈ പണം നമ്പി നാരായണന് നല്കിയത് പോലെ അപമാനിതയായ പെണ്കുട്ടിക്ക് നല്കണമെന്ന് കോടതി ഉത്തരവിട്ടത്.ആറ്റിങ്ങലിൽ കഴിഞ്ഞ ഓഗസ്റ്റില് ആയിരുന്നു സംഭവം. മൊബൈൽ ഫോൺ മോഷ്ടിച്ചെന്നാരോപിച്ചാണ് അച്ഛനെയും മകളെയും ഉദ്യോഗസ്ഥ നടുറോഡിൽ പരിശോധനയ്ക്ക് വിധേയരാക്കിയത്.നഷ്ടപരിഹാരം പൊലീസുകാരിയിൽ നിന്ന് ഈടാക്കാനനുവദിക്കണമെന്നും പൊലീസ് ഉദ്യോഗസ്ഥയുടെ വ്യക്തിപരമായ വീഴ്ചകൾക്ക് നഷ്ടപരിഹാരം നൽകാൻ ബാധ്യത ഇല്ലെന്നും സർക്കാർ ഹൈക്കോടതിയെ മുമ്പ് അറിയിച്ചിരുന്നു
