“കളിയാണ് ഞങ്ങൾക്ക് ലഹരി” ലഹരി വിരുദ്ധ സന്ദേശവുമായി പി എഫ് സി ക്ലബ് നടത്തുന്ന കുന്ദമംഗലം പ്രീമിയർ ലീഗ് ഫുട്ബോൾ സീസൺ 7 കിക്ക്‌ ഓഫ് ചെയ്തു. നിലവിൽ ഗോകുലം കേരളയുടെ ഗോൾ കീപ്പറും മുൻ കേരളാ ബ്ലാസ്റ്റർസ്,മോഹൻ ബഗാൻ, ഇന്ത്യ അണ്ടർ19 തരമായ ഷിബിൻ രാജ് ഉദ്ഘാടനം ചെയ്തു. ക്ലബ് പ്രസിഡന്റ് ജാഫർ സ്വാഗതവും ട്രഷറർ റെനീഷ് പയിമ്പ്ര നന്ദിയും പറഞ്ഞു. മുഹയിമിൻ (സാൻഡോസ്) സക്കീർ (സി എഫ് സി) ജാഫർ സി.വി എന്നിവർ ആശംസകൾ അറിയിച്ചു. ഷിബിൻ രാജിന് ക്ലബ് അംഗം സൽമാൻ ഫാരിസ് ഉപഹാരം സമർപ്പിച്ചു. ഗേൾസ് & ജൂനിയർ വിഭാഗങ്ങളിലായി 40 ഓളം മത്സരങ്ങൾ 5 ദിവസം നീണ്ടു നിൽക്കും. ഏപ്രിൽ 15 മുതൽ 19 വരെ ടൂർണമെൻ്റ് എല്ലാ ദിവസവും 6 മണിക്ക് കിക്ക്‌ ഓഫ് ചെയ്യും.
