ടിനു പാപ്പച്ചനും ആൻറണി വർഗീസും ഒന്നിക്കുന്ന ‘അജഗജാന്തര’ത്തിന്റെ സെൻസറിങ് പൂർത്തിയായി.
ഉത്സവകാഴ്ചകളും ഗംഭീര ആക്ഷന്രംഗങ്ങളുമായി ക്രിസ്മസ് റിലീസിന് തയ്യാറെടുക്കുന്ന ചിത്രത്തിന്റെ ദൈര്ഘ്യം 2 മണിക്കൂര് 2 മിനിറ്റാണ്. .ചിത്രത്തിന്റെ ഓരോ അപ്ഡേറ്റുകള്ക്കും വലിയ സ്വീകാര്യതയാണ് ലഭിച്ചുകൊണ്ടിരിക്കുന്നത്. ക്രിസ്മസ് റിലീസുകളില് ഏറ്റവും പ്രതീക്ഷയുള്ള ചിത്രങ്ങളില് മുന്പന്തിയിലാണ് ‘അജഗജാന്തരം’.
ചിത്രത്തിന്റെ പോസ്റ്റർ പങ്കു വച്ചുകൊണ്ട് ആന്റണി വർഗീസും സോഷ്യൽ മീഡിയയിൽ എത്തിയിരുന്നു.’തീയറ്ററുകളിൽ രണ്ട് മണിക്കൂർ നീണ്ട റോളർ-കോസ്റ്റർ സവാരിയിലേക്ക് സ്വാഗതം ചെയുന്നു’ എന്ന് കുറിച്ചായിരുന്നു അദ്ദേഹം പോസ്റ്റ് ചെയ്തത്.
ആന്റണി വര്ഗീസിന്റെ കരിയറിലെ ഏറ്റവും മുതല് മുടക്കുള്ള ചിത്രം കൂടിയാണിത്. ഉത്സവപ്പറമ്പിലേയ്ക്ക് ഒരു ആനയും പാപ്പാനും ഒപ്പം ഒരു കൂട്ടം യുവാക്കളും എത്തുന്നതും തുടര്ന്നവിടെ 24 മണിക്കൂറിനുള്ളില് നടക്കുന്ന ആകാംഷ നിറഞ്ഞ സംഭവങ്ങള് ആണ് ചിത്രത്തിന്റെ പ്രമേയം.
ചിത്രത്തില് ആന്റണി പെപ്പെയോടൊപ്പം അര്ജുന് അശോകന്, ചെമ്പന് വിനോദ് ജോസ്, ജാഫര് ഇടുക്കി, രാജേഷ് ശര്മ, സാബു മോന്, ടിറ്റോ വില്സണ്, സുധി കോപ്പ, വിനീത് വിശ്വം, സിനോജ് വര്ഗീസ്, കിച്ചു ടെല്ലസ്, ലുക്മാന്, ശ്രീരഞ്ജിനി തുടങ്ങിയവര് ചിത്രത്തില് മറ്റ് പ്രധാന കഥാപാത്രങ്ങളെ അവതരിപ്പിക്കുന്നു.
