ബഫര് സോണ് ഉത്തരവില് ഇടപെടുന്നില്ലെന്ന് ആരോപിച്ച് കല്പ്പറ്റയില് രാഹുല് ഗാന്ധി എംപിയുടെ ഓഫീസിലേക്ക് എസ്എഫ്ഐ മാര്ച്ച്.ഓഫീസിലേക്ക് പ്രവര്ത്തകര് തള്ളി കയറിയതോടെ പൊലീസ് ലാത്തിവീശി.പരിസ്ഥിതി ലോല ഉത്തരവിനെതിരെ എംപി ഇടപെടുന്നില്ലെന്നാരോപിച്ചായിരുന്നു എസ്എഫ്ഐയുടെ മാര്ച്ച്. എംപി യുടെ ഓഫീസിന്റെ ഷട്ടറുകൾക്ക് കേടുപാടുണ്ട്.ജീവനക്കാര് മാത്രമാണ് ഓഫീസിലുണ്ടായിരുന്നത്. ഫര്ണിച്ചറുകള്ക്കടക്കം കേടുപാടുകള് സംഭവിച്ചു. തുടര്ന്ന് ഓഫീസിന്റെ ഷട്ടര് താഴ്ത്തുകയും പോലീസ് ഇടപെടുകയും ചെയ്തു. ദേശീയ പാതയില് പ്രവര്ത്തകരും പോലീസും തമ്മില് തര്ക്കമുണ്ടായി. വനിതാ പ്രവര്ത്തകര് അടക്കം റോഡില് കുത്തിയിരുന്ന് പ്രതിഷേധിച്ചു. രാഹുല് ഗാന്ധിയുടെ ഓഫീസ് സ്റ്റാഫ് അഗസ്റ്റിന് പുല്പ്പള്ളിയെ മര്ദ്ദിച്ചതായി കോണ്ഗ്രസ് ആരോപിച്ചു. എസ്എഫ്ഐ പ്രവര്ത്തകരെ പറഞ്ഞയച്ചത് സിപിഎം എന്ന് ഡിസിസി പ്രസിഡന്റ് ആരോപിച്ചു. ആക്രമണത്തിന് പൊലീസ് ഒത്താശയുണ്ടെന്ന് കോണ്ഗ്രസ് ആരോപിച്ചു.
