ഫ്ലാറ്റിന്റെ അടുക്കളയില് കഞ്ചാവ് വളര്ത്തിയ യുവാവും യുവതിയും പിടിയില്.പത്തനംതിട്ട കോന്നി വല്യതെക്കേത്ത് വീട്ടില് അലന് (26), ആലപ്പുഴ കായംകുളം പെരുമ്പള്ളി പുത്തന്പുരയ്ക്കല് വീട്ടില് അപര്ണ (24) എന്നിവരാണ് അറസ്റ്റിലായത്.മൂന്നുനിലയുള്ള അപ്പാര്ട്ട്മെന്റിലെ ഫ്ളാറ്റില് ഒരു റൂമും അടുക്കളയും ഹാളുമാണുള്ളത്. അടുക്കളയിലാണ് കഞ്ചാവ് ചെടി നട്ടുവളര്ത്തിയത്. ഒന്നരമീറ്റര് ഉയരവും നാല് മാസം പ്രായവുമുള്ള ചെടിയാണ് കണ്ടെത്തിയത്. ഫ്ളാറ്റില് ലഹരി ഉപയോഗം നടക്കുന്നതായുള്ള രഹസ്യ വിവരത്തെ തുടര്ന്നാണ് പോലീസ് എത്തിയത്. ചെടിക്ക് തണുപ്പും വെളിച്ചവും ലഭിക്കാന് എല്.ഇ.ഡി. ലൈറ്റുകളും എക്സോസ്റ്റ് ഫാനുകളും ഘടിപ്പിച്ച നിലയിലായിരുന്നു.ഗൂഗിള് നോക്കിയാണ് ഇവര് കഞ്ചാവ് ചെടി വളര്ത്താന് പരിശീലനം നേടിയത് എന്നാണ് പൊലീസ് പറയുന്നത്. പരിശോധനയ്ക്കിടെ കഞ്ചാവ് കൈവശം വെച്ചതിനു മറ്റൊരു യുവാവിനേയും ഇവർക്കൊപ്പം അറസ്റ്റ് ചെയ്തിട്ടുണ്ട്. പത്തനംതിട്ട മല്ലപ്പള്ളി കണ്ടത്തിൽ അനന്തന്റെ മകൻ അമലിനെയാണ് (28) പിടികൂടിയത്.
