ഭൂകമ്പത്തെത്തുടര്ന്ന് തുര്ക്കിയിലും സിറിയയിലും തുടര്ച്ചയായ അഞ്ചാം ദിവസവും രക്ഷാപ്രവര്ത്തനം തുടരുന്നു. മരിച്ചവരുടെ എണ്ണം 24,000 കടന്നു. ഇപ്പോഴും നിരവധി പേര് കെട്ടിടാവശിഷ്ടങ്ങള്ക്കിടയില് കുടുങ്ങിക്കിടക്കുന്നുണ്ടെന്നാണ് പുറത്തുവരുന്ന വിവരം. രക്ഷാപ്രവര്ത്തനത്തിനായി ഇന്ത്യയില് നിന്നും ദേശീയ ദുരന്ത പ്രതികരണ സേനയുടെ (എന്.ഡി.ആര്.എഫ്) സംഘവും പങ്കാളികളായിരുന്നു.തകര്ന്ന കെട്ടിടങ്ങള്ക്കിടയില് നിന്ന് ഇന്ത്യന് സംഘം എട്ടു വയസ്സുകാരിയായ പെണ്കുട്ടിയെ രക്ഷപ്പെടുത്തയതായി എന്.ഡി.ആര്.എഫ്. വക്താവ് വെള്ളിയാഴ്ച അറിയിച്ചു. സിറിയയിൽ 5.3 ദശലക്ഷം ആളുകൾക്ക് വീട് നഷ്ടപ്പെട്ടതായും ഐക്യരാഷ്ട്രസഭ അറിയിച്ചു. വടക്കുപടിഞ്ഞാറൻ വിമതരുടെ നിയന്ത്രണത്തിലുള്ള പ്രദേശങ്ങളിലേക്ക് സഹായം എത്തിക്കുന്നതിന് അനുമതി നൽകിയതായി സിറിയൻ സർക്കാർ വ്യക്തമാക്കി.തുർക്കിയിലേക്കും സിറിയയിലേക്കും സഹായത്തിനായി യു.എ.ഇ ഇതുവരെ അയച്ചത് 27 വിമാനങ്ങളാണ്. രക്ഷാപ്രവർത്തനത്തിന് യുഎന്നിന്റെ ആദ്യ സംഘം ഇന്നലെ സിറിയയിലെത്തി. തുർക്കിക്ക് ലോകബാങ്കും സഹായധനം വാഗ്ദാനം ചെയ്തു.മരണ സംഖ്യ ഇനിയും വർധിക്കുമെന്നാണ് ലോകാരോഗ്യസംഘടനയടക്കം കണക്കുകൂട്ടുന്നത്.
