‘കൊത്ത’യുടെ റിലീസിന് പിന്നാലെ വൈകാരികമായ കുറിപ്പുമായി നടൻ ദുൽഖർ. പ്രേക്ഷകർക്ക് നന്ദി അറിയിച്ച് കൊണ്ടുള്ളതാണ് പോസ്റ്റ്.താന് പ്രതീക്ഷിച്ചതിലും അധികം സ്നേഹവും പിന്തുണയും തനിക്ക് ലഭിച്ചു. നിങ്ങള് ഓരോരുത്തരമാണ് ഇന്നിവിടെ എത്താന് കാരണം. വീണു പോകുമ്പോഴെല്ലാം നിങ്ങള് ഓരോരുത്തരും പിടിച്ചുയര്ത്തി. ഈ സ്നേഹം തനിക്ക് മുന്നോട്ട് പോകാനുള്ള വലിയ പിന്തുണയാണ് നല്കുന്നതെന്ന് താരം ഇന്സ്റ്റഗ്രാമില് കുറിച്ചു.
“സ്നേഹം! എനിക്ക് സ്വപ്നം കാണാൻ കഴിയുന്നതിലും കൂടുതൽ സ്നേഹം എനിക്ക് എപ്പോഴും ലഭിച്ചിട്ടുണ്ട്. ഞാൻ ഇവിടെയുണ്ടാകാൻ കാരണം നിങ്ങൾ ഓരോരുത്തരും ആണ്. ആ സ്നേഹം കാരണം ഞാൻ എല്ലാ സമയത്തും എല്ലാം നൽകുന്നു. ഞാൻ വീണ് പോകുമ്പോഴെല്ലാം നിങ്ങൾ എന്നെ പിടിച്ചുയർത്തി. അത് എന്നെ കഠിനമായി പരിശ്രമിക്കുന്നത് തുടരാൻ പ്രോത്സാഹിപ്പിക്കുന്നു. ഞങ്ങളുടെ സിനിമയ്ക്ക് പ്രേക്ഷകരിൽ നിന്ന് ഇത്രയധികം സ്നേഹം ലഭിക്കുന്നതിൽ ഞാൻ വിനീതനാണ്. ഒരു സെറ്റിലെ എല്ലാ ദിവസവും ഓരോ സിനിമയും ഒരു പഠനാനുഭവമാണ്. നിങ്ങളെ രസിപ്പിക്കാൻ ഞങ്ങളുടെ സിനിമയ്ക്ക് അവസരം നൽകുന്ന ഓരോരുത്തർക്കും നന്ദി, നിങ്ങളുടെ ഓണത്തിന്റെ ഭാഗമാകാൻ ഞങ്ങൾക്ക് സാധിച്ചതില് സന്തോഷം. ഞങ്ങളുടെ ഹൃദയത്തിന്റെ അടിത്തട്ടിൽ നിന്ന് പ്രേക്ഷകർക്ക് നന്ദി പറയുന്നു”, എന്നാണ് ദുൽഖർ കുറിച്ചത്.
അഭിലാഷ് ജോഷി ആദ്യമായി സംവിധാനം ചെയ്ത് ദുൽഖർ സൽമാൻ നായകനായ മലയാള ചിത്രം ‘കിംഗ് ഓഫ് കൊത്ത’ കഴിഞ്ഞ ദിവസം റിലീസ് ചെയ്തു. ആദ്യദിന കലക്ഷനില് ചിത്രം റെക്കോര്ഡിടുമെന്നാണ് സൂചന. ചിത്രത്തിന് സമ്മിശ്ര പ്രതികരണമാണ് തിയറ്ററുകളില്.
