തിരുവനന്തപുരം: തിരുവനന്തപുരം: പട്ടം എസ്.യു.ടി ആശുപത്രിയിലെ തീവ്രപരിചരണ വിഭാഗത്തില് ചികിത്സയിലുള്ള മുന് മുഖ്യമന്ത്രി വിഎസ് അച്യുതാനന്ദന്റെ മകന്റെ ഫേസ്ബുക്ക് കുറിപ്പ് വൈറല്
ഫേസ്ബുക്ക് പോസ്റ്റിന്റെ പൂര്ണരൂപം:
ഞങ്ങളെ സംബന്ധിച്ചിടത്തോളം വേദനാജനകമാണ് അച്ഛന്റെ ഇപ്പോഴത്തെ ആശുപത്രി വാസം. ഓരോ ദിവസത്തെയും ആരോഗ്യ സ്ഥിതി വിലയിരുത്തുമ്പോള് പ്രതീക്ഷയുടെ ചില കിരണങ്ങള് ലഭിക്കുന്നുണ്ട്. തുടര്ന്ന് വരുന്ന ഡയാലിസിസ് ഇപ്പോഴുള്ള വിഷമതകള് മാറ്റുമെന്നാണ് ഡോക്ടര്മാര് പറഞ്ഞത്.
ഡയാലിസിസ് നടത്തുന്നതുമായി ബന്ധപ്പെട്ട് ഇന്ന് മെഡിക്കല് കോളേജിലെ നെഫ്രോളജി വിഭാഗം തലവന് പരിശോധന നടത്തിയിരുന്നു. ഇപ്പോള് നടത്തിക്കൊണ്ടിരിക്കുന്ന ക്രമത്തില് ചികിത്സ മുന്നോട്ട് കൊണ്ടുപോകാം എന്നാണ് അദ്ദേഹവും നിര്ദ്ദേശിച്ചത്. സഖാവ് വീഎസിനെ കാത്തിരിക്കുന്നവരോടൊപ്പം ഞങ്ങള് പ്രതീക്ഷയില്ത്തന്നെയാണ്.
